Malin Pengajar

Primari 1

Bup Malin Pengajar Primari 1

Pelasar Jaku

Bup malin pengajar tu ditulis ngambika bisi nyadika pesindang dikena pengajar ti diberi tanggung pengawa ngajar Jaku Iban ba kelas primari 1. Bup tu deka meri penerang senentang overbiu kurikulum baru (transformasyen kurikulum) ti diungkupka ngagai sekula primari berengkah ba primari 1. Bup tu disikap enggau penerang senentang kurikulum Jaku Iban ngena langkah rapat modular ti ngemerankan bungkur kurikulum nyerangkap standard isi enggau standard pelajar. Bup tu mega ngundan mayuh bengkah malin ti praktikal sereta tuduh penemu ti realistik. Kelimpah ari nya iya mega ngayankan ripih jalai ngajar ti besenutuk enggau peneka ti dikemeranka dalam turai pelajar. Taja pia, pengajar endang seruran diperansang ngambi penerang ari mayuh bengkah kereban bukai.  Pengajar mega dikemendarka mali strategi sereta nyeriranka kereban ngambika tau dikena nitihka konteks rampa menua nembiak. Ngena chara ke baka tu pengajar dikarapka tau mujur agi ngilir profisiensi nembiak betarakka jaku Iban.

 

Bup malin pengajar tu ditusun ngambika pengajar ti ngembuan opsyen enggau sida ti ukai opsyen ulih enggau mudah belematika program sereta aktiviti belajar. Penerang dalam bup tu mega ditagaka ngembuan koheren lalu pia mega mandangka kohesyen ti tinggi nitih standard pelajar ti befokus ngagai pengelandik jaku enggau sistem jaku.

Struktur Bup Malin Pengajar

 

Bup Malin Pengajar Primari 1 bisi empat bagi:

 

Bagi 1:             Nyendiaka penerang ti silik senentang Kurikulum Standard Jaku Iban Sekula Primari (KSSR). Nambahka nya bagi tu mega ngaraka overbiu aplikasyen ngajar enggau belajar ti mungkur strategi mending enggau bejaku, macha, nulis enggau bungai jaku sepemanjai betarakka jaku Iban ba sekula primari seriran enggau bungkur turai pelajar primari 1.

 

Bagi 2:             Langgur pengawa ngajar sehari mega dipasukka dalam bup tu ngambika pengajar bisi chunto ke terang lalu nemu baka ni chara standard isi enggau standard pelajar ditarak dalam kelas. Pengajar ngena atur pengawa ti betapis sereta berurun ulih beratika kaul standard pelajar sepemanjai minggu. Pengajar mega patut betatika kohesyen enggau koherens semua pengelandik ke ditarak ngambika ulih dikena ngangkatka pengeregas nembiak. Langgur pengawa ngajar sehari mega disempulang enggau lambar kereja pengaya enggau seridi. Tisih enggau peresa ti nyengkaum ngena perati, buntis, nyerenih enggau sekeda strategi bukai mega dipejalaika dikena ngenegapka pengelandik ba pengujung aktiviti ngajar enggau belajar.  Pengajar endang patut mega betatika nembiak ke lubah ngambika sida ulih diseridi.

 

Rintai Leka Jaku

Leka jaku ti dipasukka dalam bup tu iya nya leka jaku ti seruran dikena enggau leka jaku ti bisi dalam tema lalu mungkur topik senentang dunya diri empu, dunya ensera enggau cherita sereta dunya penemu.

 

Semua leka jaku ti dirintaika dalam bup tu tau dikena nitihka sepematut bepanggai ba tema lalu enda semina dikena nitihka sesebengkah topik aja. Pengajar patut meri awak ngagai nembiak ngena leka jaku ti seriran sereta nadai besekat. Nembiak mega diperansang ngerembaika pengelandik sida ngena leka jaku ti nyemetak tauka betukuh terminologi.

Lalau Pengajar

 

Bup malin pengajar tu nyendiaka tuduh aktiviti ti seriran enggau standard pelajar. Malin langgur ngajar sehari, tuduh aktiviti, enggau lambar kereja ke dikena dikarapka ulih ngenegapka kompetensi. Beserimbai enggau nya tuduh aktiviti seridi mega disediaka. Taja pia, pengajar endang seruran diperansang mali, nyeruri, sereta maras langgur ngajar sehari ke disempulang ditu ngambika iya nitihka pengadang nembiak sereta betimbangka penanggul ke disatup sida tauka seriran enggau rampa enggau gaya sekula. Pengelandik jaku iya nya mending enggau bejaku beguna bendar dikena matih pengelanchar nembiak primari 1. Sida patut diberi awak endur mending lalu mansutka jaku enggau nyemetak. Pengelandik macha enggau nulis mega patut dipetatika enggau lenak ngambika nembiak nerima latih ke chukup dikena ngilir kompetensi sida.

 

Lebuh ngajar enggau belajarka bungai jaku pengajar tau ngatur langgur ngajar ti befokus ngagai elemen estetik ti mungkur tradisyen sereta waris daya idup. Pengajar ukai semina  nelusur pekara ke udah dipansa lebuh ngajar mending, bejaku, macha enggau nulis. Pia mega, lebuh ngajar jalai jaku pengajar tau ngajar nitihka rurun tauka raban jaku, struktur enggau bansa ayat ngambika mudah diterima sereta nyemetak ba penemu nembiak. Nya alai ba selepak tu, pengajar diberi awak ngatur langgur ngajar bungai jaku enggau jalai jaku meali-ali kediri. Taja pia, pengajar patut seruran ingat, tema ke diajar ba minggu nya patut diteresa ngambika jalai jaku tauka bungai jaku ke diajar meruan nitihka konteks tauka tema ke dipilih. Pengajar diberi autonomi nentuka konstruk tauka struktur ayat ngambika mudah agi diterima nembiak enti iya ditarak meali-ali kediri. Reti nya pengelandik ke diajar ba bungai jaku tauka jalai jaku tau dibuntis ari pengelandik mending enggau bejaku, macha sereta nulis nitihka timbang penemu ke dipilih pengajar.

 

Tisih formatif dalam kelas lebuh ngajar enggau belajar patut bendar dipetati ngambika nembiak tekalanya ulih ngemetulka penyilap diri.  Ngena chara tu nembiak ulih ngangkatka potensi sereta sedarka pengulih diri secara maksimum. Pengajar mega patut fokus sereta maras tisih dalam kelas ngagai tikas ti ngenampakka asil ke udah ulih nembiak belajar tang ukai asil ketegal nembiak dipejal belajar. Ari tisih ke dipejalaika pengajar bulih penerang senentang kompetensi siku-siku nembiak lalu nya meri peluang alai iya beratika langkah rapat enggau ripih jalai ngajar ke semitan agi dikena ba nembiak. Pengajar mega ulih enggau mudah agi mansik, mali, nyeruri kereban sereta nyeriranka langgur ngajar nitihka peneka nembiak enggau gaya sekula. Disempulang enggau malin tu pengajar tau beratika sekeda pekara ti tau mantu pengajar bejalaika tisih dalam kelas baka tu:

  1. Nguji                      -           Ujian
  2. Serenih      -           Penilaian
  3. Milih                       -           Pemilihan
  4. Berati                     -           Pemerhatian
  5. Seridi                     -           Pemulihan
  6. Mansik      -           Penelitian
  7. Betungkap -           Mengkaji/ Pengkajian
  8. Usey                      -           Penyiasatan
  9. Iring/ Lalau            -           Bimbingan
  10. Buntis                    -           Pengasingan (pilih yang terbaik)

 

Ari semua tuduh chara bejalaika tisih dalam kelas nya pengajar tau nyendiaka ripot tauka rekod profil nembiak. Nyadi rekod tu tau mantu pengajar enggau apai indai nembiak nimuh sereta nyeridi nembiak siku-siku.

 

Bup Malin Pengajar tu dikarapka ulih mantu pengajar ke diberi tanggung pengawa ngajar Jaku Iban ba sekula primari. Pengajar dikarapka ulih narak nembiak nyadi orang ke ngembuan pengelandik dalam jaku Iban lalu nguna jaku Iban enggau betul sereta luas. Pengajar mega diperansang nambahka aktiviti lalu merambu langgur ngajar seminggu enggau langgur ngajar sehari enggau meruan nitihka konteks, pengulih nembiak sereta gaya sekula.

 

 

 

 

 

 

PEKARA KE ENCHABAR PENGAJAR

 

Landskap kurikulum Jaku Iban berubah enggau jampat dalam kandang beberapa dekad ti udah kenyau ari kurikulum struktural ngagai kurikulum komunikatif ti ngaraka mayuh bengkah atur enggau langkah rapat ngajar enggau belajar. Nya alai ubah paradigma dalam atur pelajar ngelama tu ditemu bisi nating sereta mai pengeribat ngagai bala pengajar ti ngajar mata pelajar tu di sekula. Nyadi sekeda pekara ti enchabar nya tau diperatika di baruh tu:

Konten (Isi Pelajar)

 

Kelalu mayuh konten diajar dalam awak ti serekat nya dilema ti seruran enchabar pengajar. Kurikulum ti padat, nating pengajar nyendiaka langgur ngajar, kereban bantu enggau aktiviti ke menyana dalam awak ti serekat dikena ngulihka juluk tauka asil belajar. Ngelama tu pengajar balat agi fokus ngagai “ngemayuh ni nembiak patut diajar” tang ukai “ngemulih ni nembiak belajar”. Nya alai pengajar suah bendar ngajar mayuh pekara dikena nangkup tisih enggau peresa. Ba nembiak ke belajar sida ngasaika diri ditating enggau kereja latih, tisih enggau peresa ke tampung-menampung dikena nentuka gred. Nya alai ubah paradigma ti dikedekaka diatu iya nya deka meda ngemulih ni nembiak belajar. Nambahka nya ubah ari segi pemai ulah enggau pengeregas nembiak asil ari ti belajar patut nyadi fokus pengajar ti ngajar dalam kelas.

Ngenataika pelajar

 

Ngajar – semina ngenataika isi kurikulum aja udah ditemu enda semitan ngasuh nembiak bulih pengelandik ke dipelajarka. Pengajar semina betimbangka pemayuh isi kurikulum enggau pengelandik sereta pengulih penemu ti nyadi ba nembiak. Nyadi ubah ke dikedaka diatu iya nya pengajar patut nyendiaka ruang alai nembiak ngereja aktiviti dikena ngenegapkaka pengelandik jaku, sistem jaku nyengkaum jalai jaku enggau bungai jaku. Nembiak diberi peluang senaka iya luas alai sida bejalaika aktiviti ngambika peluang belajar bepusat ba nembiak dipeda lebih autentik sereta mai reti ke dalam ba pengidup sida.

Tisih enggau indikator pemulih

Tisih – pekara ke beguna bendar dalam proses ngajar enggau belajar. Iya mega nyadi instrument dikena berati sekalika proses nya efektif tauka enda. Ubah dalam langkah rapat pedagogi dikena ngemansangka pengelandik sereta penemu nembiak ari “tisih nguji pemulih belajar” ditukar ngagai “tisih ngemeranka pelajar”. Tisih enda semina naka nyadi indikator dikena meda pengelandik pengajar/ nembiak tang beguna bendar enti iya ulih nyadi seruan; iya nya iya ulih nusui, ngemadas ni aktiviti ngajar enggau belajar udah dipejalaika.

 

MERANSANG POTENSI NEMBIAK

Semua nembiak endang individu ti unik, bisi penau (talent) sereta ngembuan pengelandik. Nya alai tiap-tiap iku nembiak patut diberi peluang maju sereta nyadi orang ke menyana nitihka gentilang penau ti dikembuan sida. Nelusur jurai Howard Gardner (1983) enggau teori “pemintar bepampang” (multiple intelligence) dia alai iya betatika pemayuh chara individu tau dilatih enggau meruan nitihka pemintar sida neresa kurikulum ti ditagaka. Sekeda chara ti tau dikena ngemansangka nembiak iya nya baka tu:

 

  • Pemintar tau dikemansangka neresa rampa pendiau.(environmental enrichment).
  • Individu ngembuan dua tiga pemintar, nya tau ditempa nyadi siti kontinum ti tegap.
  • Pengelandik tau dikerembaika ngena bantu teknologi.

TISIH ENGGAU PERESA

Peresa tradisional tauka peresa formal endang enda dilengkaka, tang tisih ke dipejalaika di dalam enggau di luar kelas sekumbang proses ngajar enggau belajar nya opsyen dikena nentuka pemansang nembiak. Reti nya tisih sepemanjai maya nya endang dikena ngemetulka penyilap konseptual lebuh nembiak belajar. Tisih bansa tu tau dipejalaika sechara formal ngambika pengajar nyamai betatika pengeregas individu. Iya mega begunaka nembiak nyadi partisipen ti aktif sekumbang proses ngajar enggau belajar dipejalaika. Sekeda tisih ti tau dipejalaika iya nya baka tu:

 

 

  • Mantaika Asil

Tisih ke bansa tu begunaka nembiak mantaika asil kereja ngena chara mansutka jaku tauka nusui proses ba sesebengkah aktiviti ti diberi pengajar. Nembiak nerangka definisyen, ngerintai proses, ngupas konsep enggau nelusur prosedur ngena slaid powerpoint, charta, kar minda etb. Dalam hal tu pengajar tau mandangka asil kereja ti manah ngambika nyadi peransang individu tauka raban nembiak ke bukai. Ba nembiak primar1, sida deka berasai temegah lalu individu ke empu asil kereja nya deka lebih agi teperansang belajar pekara baru. Sechara semula jadi nembiak deka besemekih enggau pangan diri ngasilka inovasyen baru.

 

  • Aktiviti Praktikal – Pengelandik enggau Proses

Aktiviti praktikal tu dikena nisih sereta nguji pengelandik psikomotor enggau pengelandik proses lebuh nembuka sesebengkah model/ artifek. Latih “pemandai-jari” tau dikena nisih sekeda nembiak ti kurang pengerindu ngagai aktiviti akademik. Ngena chara nisih ti baka tu nembiak deka diuji baka ni proses tauka prosedur ngasilka model/ artifek. Pengajar enggau bala bakih tau nanya enggau silik baka ni proses ngasilka model/artifek nya.

 

  • Aktiviti Beraban

Aktiviti beraban tu dikena nguji nembiak belajar bekereja sama tauka bekolaborasyen lebuh nembuka projek. Nyata bendar dalam KSSR ti beteraska konsep 1 Malaysia bekereja sama lalu nanggam kaul ti tegap antara pupu raban bansa tau ditanam ba ati nembiak. Ari nya sida tau bekunsi penemu, betukar peneleba, bekomunikasyen sereta ngayankan tanggung jawab ngagai raban sida. Pengajar tau betanya ngagai tiap-tiap iku nembiak senaka ni siku-siku ari sida meri kereja sama. Nyadi tu chara dikena nentuka pengangkun siku-siku ngagai raban sida empu.

 

  • Kritik Diri Empu (Bebandingka Pengulih Diri Empu enggau Bala Bakih)

Nyadi tu peluang nembiak nemu ni naka pengelandik diri empu bebanding enggau bala bakih diri. Ba senentang tu nembiak dilalau mengkritik bakih diri enggau lurus ati ngambika ulih meri peluang ti meruan alai ngemetulka penyilap. Peluang patut diberi ngagai semua nembiak mengkritik ngambika sida ulih sama-sama besaup mantaika idea diri empu. Pengajar ti nyadi fasilitator tau bebandingka penemu siku-siku nembiak lalu besedia maras penemu enti sema bisi lunggar ari patut.

 

  • Tisih Betulis

Tisih “bup-tebuka” ba topik ti udah ditarak tau dipejalaika dikena beratika respons enggau pemereti nembiak. Tanya ke diberi mega tebuka, reti nya tanya ukai semina bepusat ba pekara ke bisi dalam teks aja enggau ngingatka fakta tang nyerangkap tanya aplikasyen. Reti nya tanya tau dikenataika dikena nentuka nembiak ulih ngena penemu ke dipelajarka sida dikena mutarka sesebengkah isu, nempa inovasi baru, mandangka pengelandik enggau kreativiti enggau mayuh ke bukai.

 

 

REFLEKSYEN:

 

Belajar:

 

Kurikulum betukuh modular ti digembar enggau mayuh mod tisih endang signifikan bendar ngasilka pemadas aktiviti ngajar enggau belajar. Nembiak ulih betarakka sesebengkah pekara enggau dalam sereta silik lebuh proses N&B ngelui tikas bilik kelas. Nembiak deka belinsur kurang-sekurang bepanggai ba bup teks tauka pengajar. Ari ti bejalaika pansik nembiak deka ngasaika diri bisi ngembuan penemu baru ti dikeangkunka diri empu.

 

Bekereja dalam raban enggau iring ke betul deka meransang nembiak bekunsika peneleba enggau pengelandik baru. Belajar ngena chara bekolaborasyen ulih ngenegapka pengelandik sosial  sereta pengelandik belajar bepusat ba pengidup ke bendar. Bejaku ba mua mayuh lebuh mantaika asil aktiviti tau meransang nembiak nyadi orang ke berani sereta tau dikarapka mansutka penemu ke dudi hari.  Taja pen lebuh mantaika penemu keterubah iya nembiak berasai rawan tang lebuh sida suah diberi latih sida majak-semajak berani sereta ransing-seransing mantaika penemu diri. Latih ke bansa tu tau muka runding nembiak lalu sida ulih bebandingka pengeregas diri empu enggau bala bakih. Nembiak balat diperansang bekunsi peneleba dikena ngenajamka runding sereta maju dalam pelajar sida.

 

Kurikulum ngena langkah rapat modular tu deka munaska ripih jalai ngajar ti bepegai ba monotoni tradisional “kapur tulis & bejaku” (chalk and talk) sereta ngurangka tisih enggau peresa ti semina nguji nembiak ngena “pen enggau keretas” (pen and paper). Nembiak deka ngasaika peneleba belajar ti meruan enti sida diberi awak berandau, bekereja sama, sereta mudah beinteraksyen enggau bala bakih tauka pengajar. Sida mega lebih fokus ngagai aktiviti lalu kurang agi berundingka berapa gred ti ulih diri dalam peresa. Nembiak ti kurang pengerindu ba bidang akademik ulih ngayanka pengelandik diri enti sida diberi tanggung pengawa nembuka projek lalu sida tau ulih ngayanka pengelebih tauka nyulut agi ba “pemandai jari”. Ari nya sida deka bebendar besemekih enggau bala bakih ke bukai. Nembiak dalam kategori tu ngasaika diri dikeibuhka sereta bisi diberi awak belajar ti meruan lalu enda berasai ditating enggau aktiviti ti ukai tangkup sida.

 

Ubah paradigma ari kelas bepusat ba pengajar ngagai interaksyen ‘pengajar-nembiak’ meri ruang enggau peluang alai pengajar monitor pemai ulah nembiak. Pengajar ulih narak pemai ulah nembiak lalu ari padah balas sechara spontan ulih mutarka penanggul enggau lengkas sereta nyemetak.

 

Ngajar

 

Kurikulum ngena langkah rapat modular meri awak sechara fleksibel sereta kreatif dalam ngatur strategi ngajar. Pengajar ulih besakumka mayuh langkah rapat ngajar sereta ngena idea baru ngambika aktiviti ngajar releven sereta meruan tuju. Nyadi nya tau ngasuh pengawa ngajar nya ngemuas sereta ngerinduka ati.

 

Lebuh ngajar ngena kurikulum ke dulu ari tu pengajar dibesak ngabiska turai pelajar dikena nyendiaka nembiak napi peresa betulis. Nya alai transformasyen kurikulum tu diatur ngambika pengajar ulih ngajar enggau meruan nitihka peneka tauka pengeregas nembiak. Pengajar ulih ngena pemintar diri ngatur sechara optimum sumber ti dikemisi nitihka rampa menua enggau gaya sekula.

Ngena mayuh bengkah strategi, aktiviti, mod tisih enggau peresa pengajar ulih nentu sekalika nembiak betul-betul meretika pekara ke diajar. Pengajar mega ulih beratika padah balas ari ti nguna strategi instruksyenal. Ari ti beratika padah balas nya pengajar ulih betatika sekalika kurikulum nya semitan tauka enda. Pengajar deka berasai puas sereta temegah enti nembiak ulih belajar nitihka tikas ti dikedeka pengajar. Pengajar patut bekunsika asil kereja ti manah digaga nembiak enggau pengajar bukai. Nyadi nya tau meri awak alai pengajar bukai beratika kriteria tisih enggau peresa ti patut dikemeranka dikena ngangkatka potensi nembiak.

PELASAR JAKU

Jaku Iban tu jaku ti dipelajarka ba sekula primari enggau sekondari perintah. Dokumen Kurikulum Standard Sekula Primari (KSSR) nya dokumen ke ngaraka kurikulum enggau turai pelajar. Berindik ari ti ngembuan kurikulum ke menyana baka tu jaku Iban deka terus entap, tegap sereta seriran enggau semengat ‘Falasafah Pendidikan Kebangsaan’. Mata pelajar Jaku Iban ngembuan juluk deka nyikap nembiak ngemeranka pengelandik berunding tikas tinggi ngambika sida ulih mujur nyatup arus globalisasyen ba abad ke 21.

 

Dalam arus kurikulum perdana Jaku Iban diungkupka status ‘bahasa elektif’. Iya dipasukka dalam gerim taga jam lalu tau dipelajarka semua nembiak ti rinduka mata pelajar tu. Ngajar enggau belajarka Jaku Iban di sekula mega endang dikena nentuka nembiak rebak baru seruran regas belematika waris daya idup, ngayanka peninggi adat basa sereta tradisyen turun-menurun bansa Iban. Nembiak bansa Iban kelebih agi patut bebendar betatika pemesai reti ngemeranka jaku, daya idup enggau adat basa ti dikena kenyau ari menya ngambika pemansang jaku Iban seruran seriran enggau arus pemansang global.

 

Pengajar patut seruran ngemeranka pengelandik beukur tambah lebuh ngajar enggau belajar. Nembiak diperansang ngena teknologi pemadah enggau komunikasyen (ICT) lebuh ngereja aktiviti. Ari nya, iya tau nyungkak pengingin sida ngelala daya idup, adat basa enggau tradisyen mayuh bansa bukai di Malaysia. Pemereti ati ke baka tu meri awak endur peranak bansa Iban enggau bansa Malaysia ke bukai ulih ngenepaka kaul enggau diri sama diri. Nya alai ngajar enggau belajar jaku Iban patut besenutuk enggau rampa daya idup setempat sereta nitihka konteks dunya nyata.

Dokumen KSSR tu mungkur  tuju, objektif, prinsip pedagogi, aspek guna jaku, standard isi enggau standard pelajar. Turai pelajar mega ditusun bepelasar ba peneka pengerembai standard isi enggau standard pelajar ti patut ditarak lalu ditemu nembiak. Kurikulum standard tu mega betatika kaul jaul pengelandik jaku, guna jaku, nyerap penemu lalu ngemeranka ukur pemanah dikena besemekih ngemajuka diri sereta belajar sepemanjai umur.

Nembiak deka ditarak sambil beperindang dikena ngenajamka potensi sereta matih pengelanchar sida bekomunikasyen ngena jaku Iban. Aktiviti kokurikulum mega patut diperambu ngambika tau nyadi pelasar dikena meransang pengerindu belajar, mandangka pengelandik soft-skills sereta nempa tukuh nyadi tuai. Nembiak patut ditimuh enggau semengat patrotik ngambika sida berasai temegah nyadi peranak menua Malaysia.  Nembiak ti udah tembu belajar ba sekula primari dikarapka berani nyatup penanggul, ngembuan pengadang sereta berasai angkun ngemansangka diri empu.

TUJU

Kurikulum Standard Jaku Iban Sekula Primari tu ditusun dikena narak nembiak ngambika sida ngembuan pengelandik bekomunikasyen ngena jaku Iban standard dalam mayuh bengkah konteks beseriran enggau tikas pemansang lalu nambahka nya sida ulih neruska waris daya idup bansa Iban.

 

OBJEKTIF

Sepenembu belajar ba primari enam nembiak patut/ ulih:

  1. Ngembuan pengelanchar bekomunikasyen ba situasyen formal tauka enda formal.
  2. Macha lalu meretika teks dikena ngulihka penerang sereta seruran ngemeranka pengerindu macha.
  3. Nulis mayuh bansa karang ngena gaya jaku ti engkeman.
  4. Belamati karang kreatif dikena ngulihka penerang sereta meransang pengerindu macha.
  5. Ngena jaku Iban standard lebuh berandau enggau betulis.

 

 

 

 

DOKUMEN KURIKULUM STANDARD

Dokumen Kurikulum Standard tu ngundan turai ti ngarakan Standard Isi enggau Standard Pelajar. Standard Isi ngaraka standard minimum penemu, pengelandik enggau peneleba ti patut dikembuan nembiak sepenembu sida belajar ba sekula primari. Standard pelajar nya ngayanka tikas penemu, pengelandik tauka tingkat profisiensi ti patut dikembuan nembiak ba setiap peringkat besekula ba sekula primari.

PRINSIP PEDAGOGI KURIKULUM STANDARD

Langkah rapat ngajar enggau belajar dalam KSSR tu bepelasar ba prinsip baka di baruh tu:

 

  1. i. Nikal ke pun.

Nembiak patut ditarak pengelandik mending, bejaku, macha sereta nulis enggau lenak laban nya nyadika pelasar dikena ngerembaika pengelandik jaku enggau guna jaku ngagai peringkat ke tinggi agi.

 

  1. ii. Belajar enggau ati gagit, rindu, meruan tuju sereta bisi reti.

Aktiviti belajarka pengelandik jaku, sistem jaku, enggau bungai jaku ti ngasuh ati gagit sereta rindu nya datai ari konteks ke meruan lalu diperambu nitihka tuju ti nyata sereta terang.  Nyadi nya deka meri reti ke dalam sereta peneleba ke bendar ngagai nembiak.

 

  1. iii. Belajar bepusat ba nembiak.

Nembiak ngembuan pengeregas enggau penajam belajar ke bebida. Reti nya tiap-tiap iku nembiak nya individu ti unik. Nya alai langkah rapat ngajar, isi pelajar enggau kereban ti dikena patut seriran enggau pengulih nembiak. Strategi belajar masteri nya siti ari strategi ti tau dipilih dikena nentuka nembiak ulih nitihka pelajar.

 

  1. iv. Nguna Teknologi.

Pengidup ba era globalisasyen beguna bendar ke teknologi pemadah enggau komunikasyen (ICT) dikena ngemudahka komunikasyen. Media elektronik enggau internet nya nyadi sumber ti dikena nembiak belajar, nyengkuran penerang ari dunya siber sereta ulih bekunsika penemu enggau pangan diri.

  1. v. Nirika pemai ulah ti manah.

Dalam kurikulum Jaku Iban, negika pemai ulah ti manah nya beguna bendar. Ngajar enggau belajar bepelasar ba ukur pemanah dikarapka ulih nempa nembiak ke betanggung jawab, ngembuan penyakah, bisi seregah lalu ulih mai pemujur ngagai ruang bilik sida empu, bansa enggau menua Malaysia.

 

 

TUSUN KURIKULUM

Kurikulum Standard Sekula Primari (KSSR) disediaka dikena napi atur transfomasyen kurikulum ti ditetapka dalam sistem pelajar ba semua sekula perintah di Malaysia. Dokumen Kurikulum Standard tu dibagi dua; bagi keterubah bungkur kurikulum lalu kedua nya standard pelajar enggau standard isi. Letak jam ngajar enggau belajar Jaku Iban ba sekula primari ditetapka 90 minit. Ba Peringkat 1 ( Primari 1 enggau 2) nembiak apin ditarak enggau nyemetak standard jalai jaku.

 

Nembiak deka ditarak standard jalai jaku enggau bebatang lebuh nembiak manggai ba Peringkat 2 (Primari 3,4,5 enggau 6).

  • Peringkat 1 : Primari 1, enggau 2
  • Peringkat 2 : Primari 3, 4, 5 enggau 6

 

 

LANGKAH RAPAT KURIKULUM

Nitihka peneka KSSR ngajar enggau belajar mata pelajar Jaku Iban ditetapka ngena langkah rapat modular. Chara tu betatika setiap pengelandik jaku iya nya mending enggau bejaku, macha, nulis, bungai jaku enggau sistem jaku diberi fokus ti sama rata. Reti nya pengajar ngatur langgur ngajar sehari nyemetak nitihka siti-siti pengelandik ti ditentuka diajar ba hari nya. Ambika chunto, minggu kesatu taga jam keterubah alai ngajar pengelandik mending enggau bejaku, kedua alai ngajar macha, ketiga alai ngajar nulis. Ditangkan enggau minggu kedua, taga jam keterubah alai ngajar pengelandik bungai jaku, kedua jalai jaku lalu ketiga alai bejalaika tisih sumatif tauka ngulang pelajar ti udah. Rurun tu deka beulang ba minggu-minggu bukai ke nangkan nya.

 

Langkah rapat modular dikemeranka ngambika semua pengelandik jaku enggau sistem jaku ulih dipesakumka sechara strategik baka ti dipeda dalam standard isi enggau standard pelajar. Ambika chunto, lebuh ngajar pengelandik macha, dia pengelandik jaku ke bukai baka mending, bejaku enggau nulis mega patut ditarak enggau menuku dalam awak nya tang fokus diberi ngagai pengelandik macha.

 

Ba peringkat sekula primari fokus ti meruan patut diberi ngagai pengelandik jaku dikena ngangkatka profisiensi nembiak dalam jaku Iban. Langkah rapat KSSR ti betukuh modular betatika pengelandik ti baka tu:

 

  1. Pengelandik Mending enggau Bejaku
  2. Pengelandik Macha
  3. Pengelandik Nulis
  4. Pengelandik Bungai Jaku
  5. Pengelandik Jalai Jaku

 

Nya alai dikena nentuka pengawa belajarka Jaku Iban endang bisi reti sereta meruan tuju, dia ngajar enggau belajarka Jaku Iban bepelasar ba tiga domain guna jaku iya nya:

 

  • Domain Interpersonal
  • Domain Penerang
  • Domain Estetik

 

Guna Jaku Ari Segi Interpersonal

Ari segi interpersonal, jaku diguna dikena beinteraksyen, mantaika buah runding, besara penemu, berunding enggau mayuh guna bukai dalam pengidup besehari-sehari. Pengelandik informasional tu nempa nembiak ngambika nemu nanggam kaul enggau diri sebilik, kaban belayan sereta orang bukai ti diau bekelingi. Kaul interpersonal betatika pengelandik nembiak ngena jaku enggau betul sereta nekanka lebas jaku ti seriran nitihka konteks. Pengelandik interpersonal tu akal chara dikena nempa kaliber enggau karisma nembiak.

Guna Jaku Ari Segi Informasional

Ari segi informasional, jaku diguna dikena meretika idea, memproses lalu ngenataika penerang ngagai penerima ti datai ari mayuh macham latar belakang. Pengelandik informasional tu nempa nembiak regas nyengkuran penerang ari mayuh sumber. Sida tau ngulihka penerang ari jaku randau tauka interbiu, media chelak, teks, multimedia enggau ari internet. Penerang nya tau mungkur semua bidang, topik tauka isu kemaya hari tu. Pengelandik informasional nyungkak nembiak nanam pengerindu mansik sereta belajar sepemanjai umur.

Guna Jaku Ari Segi Estetik

Ari segi estetik, jaku diguna dikena belemati sereta ngayanka pengangkun ngagai mayuh macham artikel, teks enggau kereban litaricha Iban. Pengelandik estetik tu nempa nembiak regas belematika elemen estetik, mantaika idea, ngayanka gerayak ati secara kreatif enggau imaginatif ngena jaku Iban ti meruan sereta menuku. Nembiak dikandalka seruran ngerembaika pengerindu macha, ngasilka karang kreatif sereta ngayanka pengangkun ngagai waris daya idup bansa Iban.

 

TEMA

Nya alai dikena ngisi tiap-tiap domain ke udah disebut, belajarka Jaku Iban endang bepelasar ba tema ti seriran enggau nembiak sekula primari. Tema ke patut dipetatika nya baka tu:

  • Dunya diri empu
  • Dunya ensera enggau cherita
  • Dunya penemu

 

Pengajar diberi autonomi milik topik nitihka tema ti ditetapka. Pengajar patut milih topik ti bekaul enggau peneleba nembiak tauka isu kemaya hari dalam media massa enggau media elektronik. Ambika chunto,“Nginsap enggau Mungkang Besekula” nitihka tema “Dunya Diri Empu” tau diambi nyadika batang randau. Peneleba ti diasaika tauka dipeda nembiak tau muka runding sida ngiga chara nagang  nginsap enggau mungkang besekula. Ukur pemanah baka bekereja sama, belajar bebendar sereta ngelalau nembiak bukai nyeliahka pengian nginsap tau nyadi pekara ti dikerandauka. Nyadi topik ti dipilih tau dikena ngajar enggau belajarka semua pengelandik jaku.

KURIKULUM JAKU IBAN PRIMARI 1

KSSR ungkup primari 1 ditusun nitihka Standard Isi enggau Standard Pelajar ti ditetapka nangkan tu. Standard Isi ngaraka penemu, pengelandik, enggau strategi belajar ti patut ditarak nembiak sekumbang ba sekula primari. Standard Pelajar ngaraka kualiti profisiensi jaku Iban ti patut dikemeranka nembiak besenutuk enggau Standard isi. Topik ti dipilih pengajar ari tema ti ditetapka mungkur semua domain guna jaku dikena ngulihka peneleba enggau pengelandik jaku Iban ba peringkat tu. Ba primari 1 nembiak patut ditarak sambil beperindang dikena nerenakka pengerindu ba jaku Iban.

 

  1. i. Mending enggau Bejaku.

Nembiak primari 1 patut ngembuan pengelandik mending ngambika sida ulih respons ngagai peransang (stimulus), ngayanka pemereti diri ngagai teks ti dipending, nemu berandau sereta ulih nitihka asuh tauka perintah. Nembiak patut mega nemu ngelala munyi, nyebut leka jaku, frasa enggau ayat ngena intonasyen ti engkeman nitihka konteks.

 

  1. ii. Macha.

Nembiak primari 1 patut ngembuan pengelandik macha ngambika sida ulih betatika pengelandik nyebut munyi urup, patah sebut enggau leka jaku. Udah nya nembiak dikarapka ulih macha ayat pandak. Pengelandik macha mesti disukung enggau kereban ti seriran enggau peringkat umur nembiak. Kereban bacha baka bup cherita  fiksyen enggau ukai fiksyen, ensera enggau leka main tau nyungkak pengeransing nembiak macha.

 

  1. iii. Nulis.

Nembiak primari 1 patut ngembuan pengelandik nulis. Nembiak berengkah ditarak enggau pengelandik pra-tulis. Peneleba tu ngelatih kordinasyen jari enggau mata nembiak. Udah nya sida dilatih tulis chelak enggau tulis tampung (cursive handwriting). Aktiviti nulis diperambu dikena meri peluang nembiak nulis nitihka tuju ti ditetapka dalam langgur pelajar.

 

 

  1. iv. Bungai Jaku.

Nembiak primari 1 patut ngembuan pengelandik bungai jaku dikena merindang sereta ngenajamka imaginasyen. Aktiviti pengelandik bungai jaku mega ngembuan tuju nerenakka pengerindu macha kereban fiksyen enggau ukai fiksyen dikena ngangkatka daya pikir kreatif. Nembiak diberi awak ngeluluka watak, beperindang ngena leka main sereta bekaul-jaulka pekara ti dipelajarka sida dikena meransang pengelandik bepikir tikas tinggi.

 

  1. v. Sistem Jaku

Sistem jaku dibagi ngagai dua bidang ti besai iya nya morfologi enggau sintaksis. Nembiak primari 1 patut ngembuan pengelandik sistem jaku ti befokus ngagai pengaya leka jaku, sistem sepil, munyi enggau intonasyen, tanda bacha enggau pengenap tesa. Ngajar enggau belajarka sistem jaku meri awak ngagai nembiak nguna jaku Iban enggau betul. Jalai jaku tau diajar nitihka konteks.

 

Morfologi:

Morfologi nya pampang penemu linguistik ti mansik struktur, tukuh enggau kelas jaku. Struktur jaku nya tusun tukuh munyi sebut tauka lambang tulis ke nyadi unit ti bisi manggum reti. Tukuh jaku nya unit jalai jaku sekalika iya leka jaku tunggal, bepenambah tauka betandu. Lalu pia mega, kelas jaku nya proses nentuka bansa leka jaku bepelasar ba tukuh sereta fungsi iya dalam kelas tauka raban jaku ke sama.

 

Sintaksis:

Sintaksis nya pampang penemu linguistik ti mansik tukuh, struktur enggau proses nempa ayat, baka nusun leka jaku dalam ayat enggau kaul leka jaku dalam siti-siti ayat. Nyadi bidang sintaksis nya pansik sentang atur tauka ripih chara besakum tauka nusun leka jaku ngambika ulih nyadi ayat. Aspek sintaksis ke diperatika nya baka tukuh ayat, struktur ayat enggau proses nempa ayat.

 

 

 

  1. vi. Tanda Bacha.

Nembiak primari 1 patut ngembuan pengelandik tanda bacha ngambika sida betatika tanda bacha baka koma, tanda ngetu, tanda tekenyit enggau tanda tanya dikena enggau betul lebuh maya macha enggau nulis.

 

  1. vii. Sistem Sepil

Nembiak primari 1 patut ngembuan pengelandik nyepil nitihka sistem sepil ba bup ‘Sistem Jaku Iban di Sekula’ ti dikeluarka Bahagian Pembangunan Kurikulum (2007). Aspek sistem sepil nyengkaum:

  • pengentap pola urup vokal
  • sepil jaku Iban asal
  • sepil jaku injau

 

  1. viii. Sebut enggau Intonasyen

Nembiak primari 1 patut ngembuan pengelandik munyi sebut enggau intonasyen.  Sida dilatih ngatur pengengkah munyi leka jaku, frasa pia mega ayat enggau engkeman nitihka maya, konteks enggau tuju mansutka jaku.

 

  1. ix. Pengaya Leka Jaku

Nembiak primari 1 patut ngembuan pengelandik pengaya leka jaku ngambika sida nemu nguna leka jaku ke engkeman dalam pengidup besehari-sehari. Leka jaku ari rintai ungkup primari tiga tau dikena beulang-ulang tauka nitihka konteks. Nembiak tau nambahka pengelandik pengaya leka jaku ari mayuh macham kereban bacha, kereban multimedia enggau internet.

 

  1. x. Sempama

Nembiak primari 1 patut ngembuan pengelandik sempama ngambika sida nemu ngena jaku sema banding, enggau lalau pendiau enggau engkeman. Sempama ba primari satu tau ditarak sereta dibuntis ari ensera tauka cherita ke dibacha.

 

 

 

  1. xi. Pengenap Tesa

Nembiak primari 1 patut ngembuan pengelandik pengenap tesa ngambika sida nemu ngena leka jaku ti tau dikena madahka penyampau. Pengelandik pengenap tesa patut ditarak enggau meruan ngambika nembiak ulih madahka penyampau enggau betul nitihka konteks sereta konsep tesa dalam daya idup bansa Iban.

PENGISI KURIKULUM

Elemen ti dipasukka dalam pengisi kurikulum iya nya pemansang ke pemadu baru dalam dunya pelajar. Elemen tu diserap dalam pengawa ngajar enggau belajar dikena nyendiaka nembiak napi pengidup ke balat enchabar kemaya hari tu. Pengisi kurikulum ti diserap nya baka di baruh tu:

  1. i. Penemu

Penemu dalam pelajar Jaku Iban primari 1 mungkur mayuh disiplin baka penemu sains, matematik enggau geografi enggau mayuh penemu bukai ti tau dikena ngerembaika pengelandik jaku. Penemu nya mega pekara ti nyadi ba dunya kemaya hari tu ke datai ari mayuh macham sumber, media tauka peneleba ti tau diambi lalu ditapis dikena ngajar enggau belajar.

 

  1. ii. Ukur Pemanah

Ukur pemanah dalam pelajar Jaku Iban primari 1 nya ukur ti didirika dikena meransang nembiak neladan ulah ti menuku ngambika sida bepegai ba lalau pendiau sereta adat basa bansa Iban. Nambahka nya, iya mega meransang nembiak arapka Petara, bebasaka diri sama diri ngambika sida ulih diau dalam pemaik enggau orang bukai.

 

 

 

 

 

 

 

  1. iii. Patriotisme

Negika semengat patriotisme dalam pelajar Jaku Iban primari 1 nya endang dikena ngangkatka penaluk sereta pengangkun ngagai menua enggau bansa. Nambahka nya iya mega dikena nempa peranak menua Malaysia nyadi rayat ti ngembuan pemai ulah ti menuku sereta komited ngagai tanggung pengawa ti diberi.

 

  1. iv. Atur Sosio Daya Idup

Atur sosio daya idup dalam pelajar Jaku Iban primari 1 nya ngemeratka sebar lebuh mansutka jaku, ngena lebas sereta tingkat jaku ke betul. Nembiak mega diperansang ngena jaku sempama dikena ngayanka peninggi basa kelebih agi ba pengawa ti besangkut paut enggau adat tauka atur pengawa ti bekaul enggau tusun pengidup bansa Iban.

 

  1. v. Pengelandik Beukur Tambah

Pengelandik beukur tambah dalam pelajar Jaku Iban primari 1 nya Pengelandik Bepikir, Pengelandik Teknologi Pemadah enggau Komunikasyen (ICT), Pengelandik Belajar Chara Belajar, Pengelandik Futuristik, Pengelandik Pemintar Mayuh Chabang, Pengelandik Belajar Konstruktivisme, Pengelandik Belajar Kontekstual enggau Pengelandik Dagang. Penerang pasal pengelandik nya tau diperatika di baruh tu:

 

  1. a. Pengelandik Bepikir

Pengelandik bepikir dalam pelajar Jaku Iban primari 1 betatika pengelandik nembiak  betanya. Ngembuan pelandik betanya ulih nyungkak jalai bepikir sechara kritis sereta kreatif ba aktiviti mending, bejaku, macha enggau nulis. Pengelandik bepikir endang beguna bendar dikena negika konsep, mutarka penanggul tauka ngaga pemutus ba sesebengkah isu tauka perkara.

 

  1. b. Pengelandik Belajar Chara Belajar

Pengelandik belajar chara belajar dalam pelajar Jaku Iban primari 1 betatika teknik belajar ti betul. Pengelandik tu ulih mantu nembiak ngangkatka penemu, sikar napi latih sereta aktiviti dalam mata pelajar bukai. Pengelandik tu mega nyikap nembiak ngambika sida berani napi ubah dunya enggau teknologi lalu ngemeranka pengangkun belajar seumur idup.

 

  1. c. Pengelandik Teknologi Pemadah enggau Komunikasyen (ICT)

Pengelandik teknologi pemadah enggau komunikasyen (ICT) dalam pelajar Jaku Iban primari 1 ngambika sida ulih betarak ngena kereban multimedia, komputer sereta software ti didisediaka, ngirum enggau nerima e-mel, lalu pia mega akses ngagai penerang neresa jalur lebar.

 

  1. d. Pengelandik Futuristik

Pengelandik futuristik dalam pelajar Jaku Iban primari 1 betatika pengelandik nembiak menganalisis isu ti udah nyadi, tajam ati memanipulasyen ubah dunya jeman diatu lalu landik ngambi peluang ngemajuka inovasyen ba dunya ke dudi hari. Nembiak ditarak ngambika sida nemu ngaga jangka sereta mutarka isu berindik ari data tauka penerang ti nyadi kemaya hari tu enggau ti deka datai awakka tau pulai ke penguntung semua orang.

 

  1. e. Pengelandik Pemintar Mayuh Chabang

Pengelandik pemintar mayuh chabang dalam pelajar Jaku Iban primari 1 betatika penajam enggau pengeregas nembiak lebuh sida diberi ruang belajar nitihka pengerindu enggau rampa menua ti meransang sida. Ambika chunto, sida ulih ngena pengeregas interpersonal lebuh mansutka jaku ngambika enda ngemediska ati orang ke ninga. Nembiak mega ulih ngena pengeregas muzikal enggau kinestetik lebuh diberi ruang nyadaka leka main, belagu ngati diri tauka beraban, ngeluluka dialog tauka drama enggau gaya ti betul. Ngajar enggau belajar patut beseriran enggau pengerindu ngambika bulih asil belajar ti menyana.

 

  1. f. Pengelandik Belajar Konstruktivisme

Pengelandik belajar konstruktivisme dalam pelajar Jaku Iban primari 1 ngansak nembiak mintar penemu baru bepelasar ba peneleba sida. Belajar ngena chara tu ulih ngangkatka pengerawang ati, pngeregas enggau pengerindu belajar seumur idup.

 

  1. g. Pengelandik Belajar Kontekstual

Pengelandik belajar konstruktivisme dalam pelajar Jaku Iban primari 1 ulih ngansak nembiak mintar penemu baru bepelasar ba peneleba sida. Belajar ngena chara tu ulih ngangkatka pengerawang ati, pengeregas enggau pengerindu belajar seumur idup.

  1. h. Pengelandik Dagang (Entrepreneurship)

Pengelandik dagang dalam pelajar Jaku Iban primari 1 tu akal chara belajar ti nerenakka pengeregas enggau penyikar nembiak besemekih ba pengawa dagang berengkah ari umur sida agi biak. Sekeda elemen ti bekaul enggau pengelandik dagang nya kreativiti, inovasyen, enggau inisiatif ke nyadi tukuh ti patut dikembuan nembiak dikena nyungkak peninggi tikas pemansang ba pengidup nembiak empu. Elemen pengelandik dagang enggau bepikir sechara inovatif ti patut dipasukka dalam aktiviti belajar nya penyikar ngena pengelandik teknologi pemadah enggau komunikasyen, pengelandik dagang, penemu penguna barang, kereja beraban enggau pekit bepelasar ba projek.

 

  1. i. Pengelandik Kreativiti

Kreativiti dalam pelajar Jaku Iban primari 1 nya akal chara dikena ngasilka kereban baru tauka pengelandik nengkebang utai baru. Asil ke baru nya ulih ditentuka sereta dikelala ari rintai pengechik, kuiz, perati, demonstrasyen, tisih enggau peresa ti bekaul enggau standard isi pia mega standard pelajar. Nembiak dikelala udah bisi ngembuan kreativiti lebuh sida ngayankan pengerindu, penuh pengarap, berani, lalu ulih ngasilka kereban tauka inovasyen baru.

 

 

 

 

vi.     Tisih enggau Peresa

Tisih Formatif (Tisih terus-menerus)

Tisih formatif dalam pelajar Jaku Iban primari 1 dipejalaika sepemanjai taun dikena beratika prestasi nembiak. Tisih tau dipejalaika ngena chara beratika pengulih nembiak ngambi bagi ba aktiviti kelas ti disediaka. Tisih ti bansa tu meri awak ngagai pengajar beratika pengeregas nembiak enggau penyukar aktiviti ti diberi. Ari nya pengajar ulih nyerenih tikas aktiviti sereta nyeriranka pedagogi ti dikena iya ngajar. Nembiak tau diasuh ngaga folio, pansik beraban, kuiz enggau mayuh ke bukai.

Tisih Sumatif (Tisih/peresa formal)

Tisih sumatif dalam pelajar Jaku Iban primari 1 dipejalaika ari ti nguji tauka meri peresa formal. Tisih formatif mega dikena ngukur tikas profisiensi nembiak. Ngena tisih ti bansa tu pengajar ulih beratika pengulih enggau pemansang pelajar tiap-tiap iku nembiak. Pengajar patut nyendiaka dokumentasyen standard tauka rekod profil dikena nyimpan data ti bekaul enggau pengeregas sereta prestasi akademik nembiak.

 

 

 

 

 

 

 

 

 

 

 

 

 

 

Standard Isi ngaraka standard minimum pengelandik jaku ti patut ditarak sereta ditemu nembiak sepenembu belajar ba primari 6. Standard Pelajar nya standard minimum pengelandik jaku ti patut ditarak sereta ditemu nembiak sepenembu belajar ba primari 1.

MENDING ENGGAU BEJAKU

 

STANDARD ISI

STANDARD PELAJAR

 

1.1  Sepenembu belajar ba primari 6 nembiak ulih

mending, ngelala munyi leka jaku, nyebut leka jaku ngena intonasyen ti betul dikena ngenataika reti ti nyemetak.

 

1.1.1      Ulih mending lalu respons ngagai stimulus:

  • munyi ari rampa menua
  • munyi perengka muzik
  • munyi sura nyawa
  • munyi ari batang tubuh

 

1.1.2      Ulih mending, nyebut, mereti lalu bebidaka munyi leka jaku ti ngundan:

  • vokal tebuka
  • vokal besekat glottis

 

1.1.3      Ulih mending, nyebut, belagu sereta beperindang ngena leka main anak mit/ lagu ngena iring ti meruan.

 

1.1.4      Ulih mending, mereti sereta respons ngagai stimulus enggau iring ti meruan.

 

1.1.5      Ulih nyebut leka jaku siti patah sebut enggau dua patah sebut ngena intonasyen ti betul.

 

 

1.2  Sepenembu belajar ba primari 6 nembiak ulih mending, mereti sereta meri respons ngagai jaku perintah, jaku tanya enggau jaku pesan.

 

1.3  Sepenembu belajar ba primari 6 nembiak ulih berandau sereta betanya saut pasal topik  ti bekaul enggau tuju akademik, sosial enggau kreatif ngena jaku basa.

 

 

1.3.1      Ulih ngambi bagi dalam jaku randau ke dikena besehari-sehari baka:

  • jaku tabi basa
  • madahka diri
  • ngenataika peminta enggau siru
  • meri terima kasih
  • minta ampun ketegal penyilap diri empu

 

1.3.2      Ulih mending, mereti lalu meri respons ti seriran ngagai jaku perintah:

  • jaku perintah dalam bilik kelas
  • nemu nuju ngagai endur ti diasuh

 

1.3.3      Ulih mendingka ensera/cherita, mereti lalu respons ngena saut pandak:

  • Ya / ukai
  • Besetuju/ enda besetuju

 

1.3.4      Ulih berandauka pekara ti bekaul enggau topik ti ngenang diri empu enggau diri sebilik

 

1.3.5      Ulih ngeluluka watak lalu dibantu enggau kereban ti seriran.

 

 

1.4  Sepenembu belajar ba primari 6 nembiak ulih mantaika pekara tauka topik ti bekaul enggau tuju akademik, sosial enggau kreatif ba mua orang mayuh

 

 

1.4.1      Ulih meretika teks ti didinga sereta meri respons verbal.

 

1.4.2      Ulih madahka juluk ati diri empu.

 

1.4.3      Ulih nyaut tanya mudah senentang pekara ti dicheritaka.

 

 

 

 

 

 

 

 

 

 

MACHA

 

STANDARD ISI

STANDARD PELAJAR

 

2.1 Sepenembu belajar ba primari 6

nembiak ulih nyepil  lalu macha

enggau ekspresyen  ti  seriran

dikena ngenataika reti enggau

nyemetak.

 

2.1.1  Ulih nentu sereta ngelala tukuh urup dalam

rintai urup roman.

 

2.1.2  Ulih nyepil nitihka patah sebut lalu macha

inggar leka jaku belalauka gambar.

 

2.1.3  Ulih nyepil nitihka pengentap munyi urup vokal.

 

2.1.4  Ulih nunjuk ngagai gambar ti betul lebuh teks

dibacha.

 

2.1.5   Ulih macha lalu ngeluluka diri nitihka watak

dalam teks/ dialog.

 

 

 

2.2 Sepenembu belajar ba primari 6

nembiak ulih ngena mayuh

bengkah pengelandik  enggau

strategi macha dikena meretika

teks betukuh linear ari mayuh

bengkah sumber.

 

 

 

2.2.1  Ulih beratika kulit bup, gambar lalu  belabaka

konten bup.

 

2.2.2  Ulih macha lalu madahka reti sekeda leka jaku

dalam teks.

 

2.2.3  Ulih macha lalu bekaulka peneleba diri enggau

teks ti dibacha.

 

2.2.4  Ulih macha beraban enggau iring ti meruan.

 

2.2.5  Ulih macha lalu betatika ajar manah ari teks.

 

 

2.3 Sepenembu belajar ba primari 6

nembiak ulih macha mayuh

macham teks, cherita pandak

enggau artikel ti betemaka

inovasyen.

 

 

2.3.1  Ulih macha lalu nemu nunjuk ngagai leka jaku ti

besenimbal enteli:

  • nijir leka jaku nitihka munyi enteli
  • nijir leka jaku nitihka raban jaku

 

2.3.2  Ulih macha  beraban, meretika teks lalu nusun

idea nitihka rurun.

 

2.3.3  Ulih meretika ayat mudah ngena bantu gambar.

 

 

 

 

2.4 Sepenembu belajar ba primari 6

nembiak ulih macha mayuh

macham kereban kreatif ti seriran

dikena nanam pengerindu macha

sereta ngulihka penemu.

 

 

2.4.1  Ulih nyepil leka jaku pengawa nitihka patah

sebut ti betul.

 

2.4.2  Ulih macha teks mudah enggau iring ti meruan:

  • fiksyen
  • ukai fiksyen

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

NULIS

STANDARD ISI

STANDARD PELAJAR

 

3.1 Sepenembu belajar ba primari 6

nembiak ulih ngemeranka

pelasar nulis leka jaku ngena

urup blok enggau urup mit lalu

nemu tulis chelak enggau tulis

tampung ti manah sereta betul.

 

 

3.1.1  Ulih ngayankan pengelembut tapa enggau tunjuk

jari sebedau nulis:

  • megai lalu ngedarka objek
  • ngenggam, nyepit, mutar, megai objek dikena nulis.
  • pengerentang tubuh (posture) sebedau nulis
  • latih pola pra-tulis

 

3.1.2  Ulih nulis urup mit enggau urup besai ngena pola

tulis ti betul.

  • pola pra-tulis ti ngabih tukuh urup
  • tulis huruf blok enggau urup mit

 

 

3.2 Sepenembu belajar ba primari 6

nembiak ulih nulis ayat ngena

tanda bacha ti betul sereta

engkeman.

 

 

3.2.1  Ulih nulis ngena tanda bacha ti betul sereta

engkeman:

  • urup besai ba pun ayat
  • tanda ngetu
  • tanda koma
  • tanda tanya

 

3.2.2  Ulih nulis ayat mudah 3-5 leka jaku ngena tanda

bacha ti engkeman.

 

3.2.3  Ulih nulis ngena teknik ‘tunda-tulis’ leka jaku

enggau ayat mudah.

 

 

3.3 Sepenembu belajar ba primari 6

nembiak ulih nulis enggau

koheren sereta ngena mayuh

bengkah strategi pengelandik

nulis.

 

 

 

3.3.1 Ulih nulis informasyen enggau engkeman:

  • pom turai juru ti betul
  • lis
  • dijir

 

3.3.2 Ulih nulis ayat ngundan 3-5 leka jaku enggau iring

ti meruan.

 

3.3.3  Ulih nyepil leka jaku nitihka:

  • gambar
  • sebut-tulis

 

 
 

3.4 Sepenembu belajar ba primari 6

nembiak ulih nulis karang enggau

kreatif ti ngayanka pengerembai

penemu.

 

 

3.3.1 Ulih ngelukis kar tauka gambar belalauka ensera

enggau cherita ti ditusui.

 

3.3.2 Ulih nusun lalu nulis ayat enggau iring ti meruan:

  • kad hari pengada
  • kad hari gawai

 

3.3.4   Ulih nulis ayat nitihka gambar ti bekait enggau

rampa menua.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

BUNGAI JAKU

 

STANDARD ISI

STANDARD PELAJAR

 

4.1 Sepenembu belajar ba primari 6

nembiak ulih beperindang sereta

rinduka mayuh genreleka main.

 

 

4.1.1  Ulih beperindang ngena lagu enggau leka

main anak mit:

  • lagu
  • dit dinai
  • wa indung
  • dindang
  • jaku berambai

 

4.1.2  Ulih mandangka  aksyen baka lingguk tubuh,

kelis mua enggau perening mata lebuh

belagu enggau nyadaka leka main.

 

4.1.3  Ulih ngeluluka diri nitihka empas leka lagu tauka

leka main enggau iring ti meruan lalu disukung

enggau kereban bantu.

 

 

4.2 Sepenembu belajar ba primari 6

nembiak ulih macha sereta

respons ngagai ensera tauka

cherita ngena mayuh bengkah

pengelandik enggau strategi.

 

 

4.2.1  Ulih nanam penyiru nyaga kereban bacha baka

bup, kad bacha, charta, bup besai enggau

kereban audio-visual ke bukai.

 

4.2.2  Ulih respons ngagai ensera/cherita lalu beratika

pekara baka:

  • kulit bup
  • gambar dalam bup

 

4.2.3  Ulih ngeluluka diri dalam raban nitihka watak

dalam ensera tauka cherita ke dibacha

 

 

4.3 Sepenembu belajar ba primari 6

nembiak ulih ngena patah nyawa

lebuh nyadaka leka main sereta

betatika ukur pemanah.

 

4.3.1 Ulih nyebut entelian leka main nitihka rentak.

 

4.3.3 Ulih nyadaka leka main ke dipilih dikena

beperindang.

 

4.3.4 Ulih ngelala ukur pemanah ari ensera/cherita ti

dibacha.

 

 

 

 
 

4.4 Sepenembu belajar ba primari 6 nembiak ulih

nulis enggau kreatif ngena mayuh bengkah

media.

 

4.4.1 Ulih nuliska jaku adjektif ti nyeritaka tukuh watak:

  • jaku adjektif betandu penuh
  • jaku adjektif berentak

 

4.4.1  Ulih nulis ayat 3-5 leka jaku ari gambar ti bekaul enggau watak

dalam ensera tauka cherita ti dipilih.

 

4.4.2  Ulih ngena jaku sempama sema banding nyemakaka ulah

tauka pengawa watak dalam ensera tauka cherita ke dibacha.

 

 

 

 

 

 

 

 

 

 

 

 

 

 

 

 

 

 

 

 

 

 

 

MENDING ENGGAU BEJAKU
TEMA Dimensi Diri
TOPIK Diri Empu
FOKUS Standard Isi 1.2 Sepenembu belajar ba primari 6 nembiak ulih mending, mereti sereta meri ngagai jaku perintah, jaku tanya enggau jaku pesan.
Standard Pelajar 1.2.1 Ulih ngambi bagi dalam jaku randau ke dikena besehari-sehari baka:

  • jaku tabi basa
  • madahka diri
  • ngenataika peminta
  • meri terima kasih
  • minta ampun ketegal penyilap diri empu

 

OBJEKTIF Ba pengujung pelajar, nembiak ulih:

  1. meretika penerang biodata ti didinga ari tusui enggau dibacha.
  2. bejaku ngena chara nusui penerang pasal diri empu ngena leka jaku

ti mudah.

  1. milih lalu nanda penerang ke betul belalauka pekara ti didinga enggau dibacha ngena chara berandau enggau betulis
PENGISI KURIKULUM
  1. Penemu: Lalau pendiau
  2. Ukur Penemu: mereti, siru, bebasa
  3. Pengelandik Mayuh Chabang: Verbal linguistik, nusun idea, belajar

chara belajar

KEREBAN / MEDIA Gambar enggau biodata siku nembiak, kad leka jaku, limpir kerja latih enggau kereban ICT (Komputer/LCD)
AKTIVITI NGAJAR ENGGAU BELAJAR PENGISI KURIKULUM NOTE
Rurun 1

  1. Pengajar ngayanka gambar siku nembiak lelaki ti ngena pekayan sekula lalu nusui biodata nembiaknya.
  2. Nembiak madahka penerang ngelansa pasal gambar, nitihka tanya ari pengajar.
  3. Pengajar madahka rurun penerang maya deka nusui biodata diri ngagai bala mayuh.

Rurun 2

  1. Pengajar macha biodata nembiak ti dipandangka nengah kereban ICT ngambika didinga nembiak.
  2. Nembiak ke dipilih pengajar lalu dipinta nerangka biodata diri ngena chara berandau.
 

Kontekstual

 

Nyengkuran runding

Verbal linguistik

 

BCB: Mending ke penerang

Ngumpul penerang/verbal linguistik

 

 

Gambar diayanka ngena LCD

 

 

 

 

 

 

Kedut penerang;

  • Nama penuh
  • Penatai
  • Endur besekula
  • Pengerindu
  • Juluk ati etb.
Rurun 3

  1. Pengajar nanya sekeda bala nembiak pasal biodata sida.
  2. Nembiak nyaut tanya ngena ayat ti berurun.

 

 

 

 

 

 

 

Nyengkuran runding

Betanya saut

Chunto tanya:

  1. Sapa nama nuan?
  2. Nama juluk ati nuan?

Chunto saut:

  1. Nama aku Rentap.
  2. Aku deka nyadi lutur.
Rurun 4

  1. Pengajar mai nembiak nyepil lalu macha biodata ari kereban ti disediaka lalu betanya saut pasal nya.
  2. Pengajar nyadung kereban kereja latih ngagai nembiak.
  3. Pengajar macha baru teks biodata lalu nyimpul pelajar ke ungkup sehari nya.
 

Ukur pendiau:

Mereti, siru, bebasa ke pangan diri.

Kereja latih

 

Biodata

Kad leka jaku

 

Kereban kereja latih;

Milih penerang ti betul.

Refleksyen:

 

 

 

 

 

 

 

A.Aram macha

 

 

 

 

 

 

 

 

 

 

 

 

 

 

 

 

 

 

 

 

 

 

 

 

B. Kad Leka Jaku

 

 

 

 

 

 

 

 

 

 

 

 

 

 

 

 

 

 

 

 

 

 

 

C. Pilih lalu tanda       ba penerang ti betul.

_/

 

 

  1. Umur Rentap lapan taun.

 

 

  1. Iya belajar ba Primari Satu.

 

 

  1. Iya diau di bagi  menua Sri Aman.

 

 

  1. Rentap rindu bemain hoki.

 

 

  1. Juluk ati iya nyadi lutur.

 

 

MENDING ENGGAU BEJAKU
TEMA Dimensi Diri
TOPIK Baka Ni Kia
FOKUS Standard Isi 1.2  

Sepenembu belajar ba primari 6 nembiak ulih mending, mereti sereta meri ngagai jaku perintah, jaku tanya enggau jaku pesan.

 

Standard Pelajar 1.2.2  

Ulih mending, mereti lalu meri respons ti seriran ngagai jaku perintah:

  • jaku perintah dalam bilik kelas
  • nemu nuju ngagai endur ti diasuh

 

 

OBJEKTIF  

Ba pengujung pelajar, nembiak ulih:

  1. meretika kar lalu nyebut sekeda utai ke nyengala ayan dalam kar ti disediaka.
  2. bejaku madahka tuju ngagai sesebengkah endur belalauka kar  enggau iring pengajar.
  3. nipakka penerang enggau simbol tuju sesebengkah endur.

 

PENGISI KURIKULUM  

  1. Penemu: Lalau pendiau,
  2. Ukur Penemu: mereti, siru, likun
  3. Pengelandik Mayuh Chabang: Verbal linguistik, nusun idea, belajar

chara belajar, nyengkuran runding, ngumpul penerang.

 

KEREBAN / MEDIA  

Kar pejalai ba genturung pendiau, kad frasa penunjuk tuju, limpir kerja latih.

 

 

 

AKTIVITI NGAJAR ENGGAU BELAJAR PENGISI KURIKULUM NOTE

Rurun 1

  1. Pengajar nyadung limpir kar genturung pendiau ngagai bala nembiak.
  2. Nembiak betati lalu nyebut sekeda endur enggau palan pendiau ti bisi ba kar nya bemalinka pengajar.
 

 

Kontekstual

Nyengkuran runding

Verbal linguistik

 

 

Limpir kar genturung pendiau

 

 

 

 

Rurun 2

  1. Pengajar nerangka tuju kar ti diadaka nya, dikena nentuka jalai nulung Akin nurun ke sekula ngena jalai ke betul.
  2. Nembiak  bebala mayuh madahka tuju jalai ke betul penurun Akin ke sekula belalauka kar enggau iring pengajar ngena frasa jaku ti disediaka.
  3. Pengajar minta sekeda nembiak datai ke mua kelas lalu madahka tuju  ke patut ditengah belaluka kar.

 

 

Nusun idea

Ngumpul penerang

Verbal linguistic

BCB

 

 

Frasa bekaul enggau tuju sesebengkah endur:

  • mansa
  • bejalai rurus
  • limpang ke kanan
  • limpang ke kiba

 

Rurun 3

  1. Pengajar meri penerang ti engkeman belalauka kar ngagai bala nembiak.
  2. Nembiak dipinta madahka jalai ke berurun pejalai Akin ke sekula ngena ayat ti berurun belalauka kar enggau kad frasa penunjuk tuju.
 

Ngumpul penerang

Ukur pendiau:Likun, mereti sereta siru

Verbal linguistik

 

 

Nembiak mendingka penerang ari pengajar

Ngerintai leka jaku nyadi ayat ti berurun.

Rurun 4

  1. Pengajar meri kereja latih ngagai nembiak.

(nipakka penerang enggau symbol tuju penunga sesebengkah endur)

  1. Pengajar nyimpul isi B/N lalu disempulang enggau ukur pendiau.
 

 

 

Limpir kereja latih

Refleksyen:

A. Aram Berandau

 

 

 

Jalai Bijat

Jalai Rentap

 

Taman Jaya

Jalai Mawar

Jalai Tun Jugah

Peratika kar ba baruh tu.

 

 

 

 

 

 

 

 

 

 

 

 

Aram tulung Akin nurun ke sekula.

Kena leka jaku ba baruh tu:

mansa

limpang ke kiba

bejalai lurus

limpang ke kanan

 

 

B.  Tipakka penerang enggau simbol.

 

 

 

 

 

 

 

 

 

 

 

 

 

 

 

MACHA
TEMA Dimensi Diri
TOPIK Rumah Aku

 

OBJEKTIF Ba pengujung pelajar, nembiak ulih:

  1. nyepil lalu nyebut inggar leka jaku dalam ayat enggau iring ke meruan.
  2. macha nitihka patah sebut ti betul sereta inggar teks ‘Rumah Aku’ bemalinka pengajar.
  3. meri reti sekeda leka jaku ari teks ti dibacha ngena chara berandau bemalinka pengajar.
  4. nipakka penerang enggau gambar ti diberi ke kereja latih betulis.

 

PENGISI KURIKULUM
  1. Penemu: Lalau pendiau, nyengkuran runding
  2. Ukur Penemu: beterima kasih, temegah
  3. Pengelandik Mayuh Chabang: Verbal linguistik, nusun idea, belajar

chara belajar

 

KEREBAN / MEDIA Gambar bansa rumah alai diau, teks ‘Rumah Aku’ enggau limpir kereja latih.
FOKUS Standard Isi 2.1

 

 

2.2

Sepenembu belajar ba primari 6 nembiak ulih nyepil lalu macha enggau ekspresyen ti seriran dikena ngenataika reti enggau nyemetak.

Sepenembu belajar ba primary nembiak ulih ngena mayuh bengkah pengelandik enggau strategi macha dikena meretika teks betukuh linea ari mayuh bengkah sumber.

Standard Pelajar 2.1.2

 

2.2.2

 

2.2.4

Ulih nyepil nitihka patah sebut lalu macha inggar leka jaku belalauka gambar.

Ulih macha lalu madahka reti sekeda leka jaku dalam teks.

Ulih macha beraban enggau iring ti meruan.

 

 

 

 

AKTIVITI NGAJAR ENGGAU BELAJAR PENGISI KURIKULUM NOTE
Rurun 1

  1. Pengajar betanya saut enggau nembiak pasal bansa rumah endur diau lalu ngayanka sekeda gambar rumah.
  2. Nembiak madahka penerang ngelansa pasal bansa rumah endur sida diau.
  3. Pengajar madahka bansa rumah ke alai  mensia diau nitihka raban bansa asal enggau rumah moden.
 

Kontekstual

 

Nyengkuran runding

 

 

Gambar sekeda bansa rumah.

 

Chunto:

Rumah panjai, rumah  sesebuah, rumah batu, enggau rumah teres.

Rurun 2

  1. Pengajar nyadika malin nembiak nyepil lalu macha teks ‘Rumah Aku’ ti disediaka ba kad manila tauka ‘brown paper’.
  2. Nembiak dipinta nyepil lalu nyebut sekeda leka jaku ti dipilih pengajar ari teks ti dibacha lalu berandauka reti leka jaku nya nitihka konteks iya dalam ayat.
 

 

 

Verbal linguistik

BCB: Mending ke penerang

Verbal linguistik

Nyengkuran runding

 

Sekeda leka jaku;

  • atap
  • rumah
  • tangga
  • pintu
  • bilik etb.

 

 

Rurun 3

  1. Pengajar ngasuh nembiak beraban macha teks ti disediaka.
  2. Nembiak enggau pengajar betanya saut pasal bansa rumah ke diwan pupu bansa ti bisi di menua Malaysia enggau nama bagi sitak dalam rumah.

 

 

 

 

 

 

 

 

 

 

Nyengkuran runding

 

 

Chunto bansa rumah:

Rumah panjai, rumah  sesebuah, rumah batu, enggau rumah teres.

Sekeda leka jaku;

  • atap
  • rumah
  • tangga
  • pintu
  • bilik etb.

Rurun 4

  1. Pengajar nyadung kereban kereja latih ngagai nembiak.

 

  1. Pengajar mai bala nembiak sampal macha baru teks ‘Rumah Aku’ lalu nyimpul pelajar ke ungkup sehari nya.
 

 

 

 

 

Ukur pendiau:

beterima kasih, temegah

 

 

Kereban kereja latih;

Nusun urup ngambika nyadi leka jaku ti meruan belalauka gambar.

 

Refleksyen:

 

 

 

 

 

 

 

 

 

 

 

 

 

 

 

 

 

 

 

  1. Aram macha

RUMAH AKU

 

 

 

 

 

 

Tu rumah aku.

Rumah aku rumah papan.

Atap rumah aku bechura biru.

Dinding rumah aku bechura kuning.

Jenila rumah aku bechura gadung.

Rumah aku manah serta beresi.

 

 

 

  1. Rintai leka jaku enggau penerang. (Ke malin pengajar)

 

Leka Jaku Reti enggau Penerang
rumah Palan tauka endur mensia diau.
atap Penudung perabung rumah.
bechura Belinsu.
dinding Sapat penutup tisi rumah tauka antara sitak bilik.
jenila Penyenguk tauka penjan.
gadung (hijau)
manah Likun tukuh
beresi Gaya pendiau tauka endur ke enda kamah.

 

 

 

 

 

 

 

 

 

 

 

  1. Tipakka bansa rumah enggau gambar.

 

  1. Rumah panjai

 

 

 

 

  1. Rumah papan

 

 

 

  1. Rumah  banglo

 

 

  1. Rumah  plat

 

 

  1. Rumah teres

 

 

MACHA
TEMA Dimensi Diri
TOPIK Kantin Sekula Akin
FOKUS Standard Isi 2.4  

Sepenembu belajar ba primari 6 nembiak ulih macha mayuh macham kereban kreatif ti seriran dikena nanam pengerindu macha sereta ngulihka penemu.

 

Standard Pelajar  

2.4.1

2.4.2

 

Ulih nyepil leka jaku pengawa nitihka patah sebut ti betul.

Ulih macha teks mudah enggau iring ti meruan:

  • fiksyen
  • ukai fiksyen

 

 

OBJEKTIF  

Ba pengujung pelajar, nembiak ulih:

  1. nyepil enggau betul lalu macha ayat dalam teks begambar ti disediaka.
  2. nyepil lalu nyebut leka jaku pengawa ti bisi dalam ayat enggau iring pengajar.

vii.  ngisi lapang dalam ayat ngena jaku pengawa ti disediaka.

 

PENGISI KURIKULUM  

  1. Penemu: Lalau pendiau
  2. Ukur Penemu: mereti, beresi,  bebasa
  3. Pengelandik Mayuh Chabang: Verbal linguistik, nusun idea.

 

KEREBAN / MEDIA  

Gambar bepenerang, rintai leka jaku pengawa, limpir kereja latih.

 

 

 

 

AKTIVITI NGAJAR ENGGAU BELAJAR PENGISI KURIKULUM NOTE

Rurun 1

  1. Pengajar ngidarka gambar ti bepenerang lalu betanya saut enggau nembiak pasal nama utai ke nyadi dalam gambar.
  2. Nembiak nelusur penerang ayat besangkut enggau sesebengkah situasyen dalam gambar.

 

 

Nyengkuran runding

 

 

Gambar bepenerang pasal Kantin Sekula Akin.

 

Rurun 2

  1. Pengajar nyadika malin nembiak nyepil lalu macha penerang ayat pasal gambar.
  2. Nembiak dipinta nyepil lalu macha kediri tauka beraban ayat ke bisi dalam kereban.
  3. Pengajar enggau nembiak nyepil lalu ngerintai ba papan tulis jaku pengawa ti bisi dikena dalam ayat.
 

Verbal linguistik

BCB: Mending ke penerang

Verbal linguistik

 

 

 

Pengajar deka ningaka pengelenak bacha nembiak.

Chunto jaku pengawa:

  • bediri
  • nyual
  • berintai
  • meli

 

Rurun 3

  1. Pengajar erangka reti leka jaku pengawa lalu meri nembiak limpir kereja latih.
  2. Nembiak ngisi lapang dalam ayat belalauka rintai jaku pengawa sereta pengajar.
  3. Pengajar nyimpul B/N sehari nya lalu meri lalau ukur pendiau.

 

 

 

 

 

Ngaga kereja latih

 

 

 

 

 

Refleksyen:

 

Aram Macha

Kantin Sekula Akin.

 

 

 

 

 

 

 

 

 

 

 

 

A. Sepil lalu bacha ayat ke bisi dalam gambar di atas.

  1. B. Giga leka jaku pengawa enggau pengajar lalu rintaika

ba papan tulis.

 

 

  1. C. Kereja Latih

 

Isi lapang dalam ayat ngena leka jaku ti diberi.

 

 

 

 

 

 

 

 

  1. Lina benung …………………… kuih.

2.  Mujuk  ………………………lurus.

3.  Adi udah nemu ………………………………

4.  Anang ………………….. uras dia.

5.  Mayau …………………… di baruh dapur.

 

 

 

 

 

NULIS
TEMA Dimensi Diri
TOPIK Sayauka Diri Sebilik
FOKUS Standard Isi 3.3

 

 

 

Sepenembu belajar ba primari 6 nembiak ulih nulis enggau koheren sereta ngena mayuh bengkah strategi pengelandik nulis.
Standard Pelajar 3.3.2

 

3.3.3

Ulih nulis ayat ngundan 3-5 leka jaku enggau iring ti meruan.

Ulih nusun lalu nulis ayat enggau iring ti meruan:

  • gambar
  • sebut-tulis

 

 

OBJEKTIF  

Ba pengujung pelajar, nembiak ulih:

  1. macha (belagu) inggar  lalu nemu reti sekeda leka jaku ti bisi dalam lagu enggau iring penerang ari pengajar.
  2. Besaup nulis empat iti ayat mudah ba papan tulis belalauka gambar enggau iring ari pengajar.
  3. ngisi lapang nunda leka jaku ganti nama ti disediaka dalam limpir kerja latih.

 

PENGISI KURIKULUM  

  1. Penemu: Lalau pendiau
  2. Ukur Penemu: beterima kasih, temegah enggau bebasa.
  3. Pengelandik Mayuh Chabang: Verbal linguistik, nusun idea, belajar

chara belajar

 

KEREBAN / MEDIA  

Gambar diri sebilik, lirik lagu ‘Aku Sayau Ke Semua’ enggau limpir kereja latih.

AKTIVITI NGAJAR ENGGAU BELAJAR PENGISI KURIKULUM NOTE
Rurun 1

  1. Pengajar betanya saut enggau nembiak pasal bansa rumah endur diau lalu ngayanka sekeda gambar rumah.
  2. Nembiak madahka penerang ngelansa pasal bansa rumah endur sida diau.
  3. Pengajar madahka bansa rumah ke alai  mensia diau nitihka raban bansa asal enggau rumah moden.
 

Kontekstual

 

Nyengkuran runding

 

 

Gambar sekeda bansa rumah.

 

Chunto:

Rumah panjai, rumah  sesebuah, rumah batu, enggau rumah teres.

Rurun 2

  1. Pengajar nyadika malin nembiak nyepil lalu macha teks ‘Rumah Aku’ ti disediaka ba kad manila tauka ‘brown paper’.
  2. Nembiak dipinta nyepil lalu nyebut sekeda leka jaku ti dipilih pengajar ari teks ti dibacha lalu berandauka reti leka jaku nya nitihka konteks iya dalam ayat.
 

 

 

Verbal linguistik

BCB: Mending ke penerang

Verbal linguistik

Nyengkuran runding

 

Sekeda leka jaku;

  • atap
  • rumah
  • tangga
  • pintu
  • bilik etb.

 

 

Rurun 3

  1. Pengajar ngasuh nembiak beraban macha teks ti disediaka.
  2. Nembiak enggau pengajar betanya saut pasal bansa rumah ke diwan pupu bansa ti bisi di menua Malaysia enggau nama bagi sitak dalam rumah.

 

 

 

 

 

 

 

 

 

 

Nyengkuran runding

 

 

Chunto bansa rumah:

Rumah panjai, rumah  sesebuah, rumah batu, enggau rumah teres.

Sekeda leka jaku;

  • atap
  • rumah
  • tangga
  • pintu
  • bilik etb.
Rurun 4

  1. Pengajar nyadung kereban kereja latih ngagai nembiak.

 

  1. Pengajar mai bala nembiak sampal macha baru teks ‘Rumah Aku’ lalu nyimpul pelajar ke ungkup sehari nya.
 

 

 

 

 

Ukur pendiau:

beterima kasih, temegah

 

 

Kereban kereja latih;

Nusun urup ngambika nyadi leka jaku ti meruan belalauka gambar.

 

Refleksyen:

 

 

 

 

 

 

 

 

 

 

 

 

 

 

 

 

 

 

A. Aram belagu

 

Aku Sayauka Semua

Satu, satu aku sayauka indai,

Dua, dua aku sayauka apai,

Tiga, tiga sayau aka enggau adi.

Satu, dua, tiga sayauka semua sida.

(tandu 2X)

 

 

Tiun:’Satu satu saya sayang ibu’

 

 

 

 

 

  1. B. Chunto ayat mudah ke ditulis ba papan tulis. (malin

Pengajar)

  • Aku sayauka indai.
  • Apai aku siru amai.
  • Aku bisi siku adi indu.
  • Kami menyadi bisi tiga iku.

 

 

 

 

 

 

 

 

  1. C. Aram nulis.

Tulis baru nunda leka jaku ti diberi.

  1. A p a i

 

 

  1. I n d a i

 

 

  1. A d i

 

 

  1. A k a    l e l a k i

 

 

  1. A k a   i n d u

 

  1. A k u   e m p u

 

 

 

NULIS
TEMA Dimensi Diri
TOPIK Sayauka Diri Sebilik
FOKUS Standard Isi  

3.1

 

 

 

Sepenembu belajar ba primari 6 nembiak ulih nulis enggau koheren sereta ngena mayuh bengkah strategi pengelandik nulis.
Standard Pelajar  

3.1.2

 

 

 

Ulih nulis urup mit enggau urup besai ngena pola tulis ti betul.

  • pola pra-tulis ti ngabih tukuh urup
  • tulis urup blok enggau urup mit

 

 

OBJEKTIF  

Ba pengujung pelajar, nembiak ulih:

i.      nulis tukuh urup ba papan tulis bemalinka pengajar.

ii.    nulis pola pra-tulis ti ngambi kabih tukuh urup ke udah ditanda ngena titik nyadi ke chuan nembiak.

 

PENGISI KURIKULUM  

ii.    Penemu: Lalau pendiau

iii.    Ukur Penemu: temegah enggau likun.

iii. Pengelandik Mayuh Chabang: belajar chara belajar

 

KEREBAN / MEDIA  

Tukuh urup, set urup mit, limpir kereja betulis.

 

 

 

 

AKTIVITI NGAJAR ENGGAU BELAJAR PENGISI KURIKULUM NOTE

Rurun 1

  1. Pengajar ngasuh nembiak belagu ABC.
  2. Nembiak dipinta nyebut sekeda urup mit ti ditunjukka.

 

 

 

Kontekstual

Nyengkuran runding

 

 

Rintai urup mit a-z

Rurun 2

  1. Pengajar ngiring nembiak nunjukka chara kebut jari ti betul maya nulis urup.
  2. Pengajar minta bala nembiak nulis nitihka langkar pola tukuh urup ba papan tulis.
 

 

BCB

Ukur Penemu:

Likun

 

 

 

 

Rintai urup mit dipandangka

Rurun 3

  1. Pengajar meri kereja betulis ngagai nembiak.
  2. Pengajar ngasuh nembiak belagu ABC sekali agi lalu nyimpul B/N ke renggat nya.

 

 

 

 

 

 

Ukur Penemu:

Temegah sereta likun.

 

 

 

Kereja betulis:

Pola pra-tulis tukuh urup.

Refleksyen:

 

 

 

 

 

 

 

A.  Aram belagu.

Rintai urup abc.

 

a  b  c  d  e  f  g,

h  i  j  k  l  m  n,

 

o p  q  r  s  t  u,

v  w  x  y  z.

 

 

B.  Aram nulis.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

BUNGAI JAKU
TEMA Dimensi Diri
TOPIK Leka Main Anak Mit (Puk Aruk-Aruk)
FOKUS Standard Isi 4.1 Sepenembu belajar ba primari 6 nembiak ulih beperindang sereta rinduka mayuh genre leka main.
Standard Pelajar 4.1.1

 

4.1.2

Ulih beperindang ngena leka main anak mit.

Ulih mandangka aksyen baka lingguk tubuh, kelis mua enggau perening mata lebuh nyadaka leka main.

 

OBJEKTIF Ba pengujung pelajar, nembiak ulih:

  1. Nyadaka leka main nitihka rentak ke betul.
    1. Mandangka aksyen baka lingguk tubuh, kelis mua enggau perening mata lebuh nyadaka leka main.
    2. Nyalin pola tulis beselat enggau baris leka main.

 

PENGISI KURIKULUM
  1. Penemu: Lalau pendiau
  2. Ukur Penemu: mereti, siru, bebasa
  3. Pengelandik Mayuh Chabang: verbal linguistik, nusun idea, belajar

chara belajar

KEREBAN / MEDIA Leka main: Puk Aruk Aruk, kad leka jaku enggau limpir kerja latih.

 

AKTIVITI NGAJAR ENGGAU BELAJAR PENGISI KURIKULUM NOTE
 

Rurun 1

 

  1. Pengajar ngayanka gambar siku nembiak indu/lelaki ke udah ngemas diri ngena pekayan sekula ke beresi.
  2. Nembiak meri penerang pasal gambar, nitihka tanya ari pengajar.
  3. Nembiak madahka ripih pengawa maya sida nyikap diri sebedau nurun ke sekula

 

 

 

Rurun 2

 

  1. Pengajar nyaup nembiak ngerintai pengawa ke patut dikereja sebedau nurun  ke sekula ninting pagi.
  2. Nembiak entudi pengajar nyebut leka main anak mit.(puk aruk)
 

 

Kontekstual

(Nyengkuran runding)

BCB: Mending & bejaku sereta ngumpul penerang.

 

 

Pengelandik ngemenyanaka mensia (kemahiran isaniah)

 

Gambar dipandangka ngena LCD

 

Kedut penerang;

  • Ngerintai pengawa
  • Jaku penerang

 

 

 

 

Nyebut leka main.

 

Rurun 3

 

  1. Pengajar ngiring nembiak mandangka aksyen baka lingguk tubuh, kelis mua enggau perening mata lebuh nyadaka leka main.
  2. Nembiak sechara beraban mandangka aksyen lebuh nyadaka leka main.

 

 

 

 

 

 

 

 

 

 

Mandangka aksyen

 

Rurun 4

 

  1. Nembiak begintir-gintir mandangka pengelandik diri nyadaka leka main sambil mandangka aksyen.
  2. Nembiak nyalin leka main  beselat enggau pola tulis.

 

   

Mandangka aksyen sechara individu.

 

Nulis

 

 

 

 

Refleksyen:

 

 

 

 

 

 

 

 

 

 

 

 

A.   Leka main anak mit

 

 

 

 

 

 

 

 

 

 

 

 

 

 

 

 

 

 

 

 

 

 

 

B.  Tusun rurun pengawa nyikap diri sebedau nurun ke sekula ninting    pagi.

Pengawa

Rurun

(1,2,3,4 enggau 5)

 

 

 

 

 

 

 

 

 

 

 

 

 

 

 

 

 

 

 

 

 

BUNGAI JAKU
TEMA Dimensi Diri
TOPIK Lagu (Rumah Aku)
FOKUS Standard Isi 4.1 Sepenembu belajar ba primari 6 nembiak ulih beperindang sereta rinduka mayuh genre leka main.
Standard Pelajar 4.1.2

 

4.1.3

Ulih mandangka aksyen baka lingguk tubuh, kelis mua enggau perening mata lebuh nyadaka leka main.

Ulih ngeluluka diri nitihka empas leka lagu enggau iring ti meruan lalu disukung enggau kereban bantu.

 

OBJEKTIF Ba pengujung pelajar, nembiak ulih:

  1. Nyadaka belagu nitihka melodi ke betul.

viii. Mandangka aksyen baka lingguk tubuh, kelis mua enggau perening mata lebuh belagu.

  1. Ngeluluka diri nitihka empas leka lagu enggau iring ti meruan lalu disukung enggau kereban bantu.

 

PENGISI KURIKULUM
  1. Ukur Pemanah: Bebasaka diri sama diri
  2. Atur Sosio-daya idup:  mereti, siru, bebasa nitihka tusun pengidup
  3. Pengelandik kreativiti
KEREBAN / MEDIA Gambar rumah, kad leka jaku, limpir kerja latih enggau kereban ICT (Komputer/LCD)

 

AKTIVITI NGAJAR ENGGAU BELAJAR PENGISI KURIKULUM NOTE
 

Rurun 1

 

  1. Pengajar ngayanka gambar sebuah rumah ke manah sereta beresi.
  2. Nembiak meri penerang pasal rumah nitihka tanya ari pengajar.
  3. Nembiak madahka bansa pengawa maya sida meresi rumah.

 

 

 

Rurun 2

 

  1. Nembiak ngerintai pengawa ke patut dikereja lebuh meresi rumah.
  2. Nembiak entudi pengajar nyebut leka lagu.
  3. Nembiak betatika rentak enggau melodi lagu.

 

 

 

Pengelandik Belajar Kontekstual

 

Pengelandik Futuristik: rumah jeman dudi

 

 

Pengelandik ngemenyanaka mensia (kemahiran isaniah)

 

Gambar mayuh bansa rumah dipandangka ngena LCD

 

Kedut penerang;

  • Ngerintai aktiviti
  • Jaku penerang

 

 

 

 

Nyebut leka lagu.

 

Rurun 3

 

  1. Pengajar ngiring nembiak mandangka aksyen baka lingguk tubuh, kelis mua enggau perening mata lebuh belagu
  2. Nembiak sechara beraban mandangka aksyen lebuh belagu.

 

 

 

 

 

 

 

 

 

 

Mandangka aksyen sechara beraban

 

Rurun 4

 

  1. Nembiak begintir-gintir mandangka pengelandik diri belagu sambil mandangka aksyen/kelulu.
  2. Nembiak nyalin leka lagu  beselat enggau pola tulis.

 

   

Mandangka aksyen sechara individu.

 

Nulis

 

 

 

 

Refleksyen:

 

 

 

 

 

 

 

 

 

 

Lagu: Rumah Aku (ngena tiun – Kereta Bapaku)

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Sebut leka jaku dibaruh tu

 

 

 

 

 

 

 

 

 

 

 

 

 

 

 

 

 

 

 

 

 

 

6 responses »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s